浪浪會有幾長嘅壽命?

相比起家貓嘅長壽，浪浪就弱小得多，佢地平均只有3-5年命。如果生存能力較強嘅話都有可能生存過五年，而較為弱小浪浪基本活唔過三年。

對於浪浪嚟講最難捱嘅就係冬天，普遍貓咪都驚寒冷嘅天氣，寒冷可謂係一大難關(特別係缺乏溫暖生活環境嘅浪浪)。

除咗寒冷天氣之外，意外、疾病、饑餓，仲有感染，呢啲都係導致浪浪生命短暫嘅原因。

浪浪不單容易遇上事故，如交通意外、動物鬥爭、極端天氣，以及人類活動等等......佢地一餐飽一餐餓，食嘅都只係街邊剩菜同垃圾，甚至係無嘢落肚。係營養嚴重不良同虛弱嘅情況下，超級容易各種的感染，例如寄生蟲、貓愛滋、傷口感染等。免疫力下降同多種原因疊加，最終導致佢地患上各種的疾病，成為浪浪短暫一生的致命傷。

其實如果選擇領養，就可以用愛心去點亮更多浪浪的生命，帶給佢地一個舒適溫暖嘅家。