師兄，你唔好將我哋啲產品同大陸嗰啲平價嘢攞嚟比喎。 我哋產品成份嘅成本已經貴過人哋出街嘅賣價。我哋用嘅係食品級嘅豆渣粉，唔係好似人哋喺垃圾筒嗰度摷出嚟嘅廚餘攞嚟做。其他成份包括可食用增稠劑，納米級光觸媒等等。 如果睇價錢，我哋肯定冇得比。如果睇價值，肯定其他產品爭幾皮。 撇除成份嘅購買成本，我哋喺生產過程中已經盡量壓縮能源使耗，廢品比率、運輸成本等等。 師兄師姐，我都要開飯㗎。

其實依個都唔想喺度答，因為真係好複雜。 光觸媒就係我哋中學時候讀化學嘅催化劑，喺可見光嘅情況之下能夠將有機份子分解成為無害嘅二氧化碳同埋水份子。貓大便嘅臭味係二氧化硫，小便嘅臭味係阿摩尼亞，佢哋都屬於有機化合物，可以通過光觸媒分解，達致主動除臭嘅效果。至於大便小便入邊嘅細菌病毒，都屬於有機物，光觸媒都可以分解佢哋，所以會有殺菌消毒嘅效果。 並唔係所有光觸媒都可以用到可見光，絕大部份都需要使用紫外線先至有效果。我哋用嗰隻納米級嘅二氧化鈦（TiO₃）光觸媒由於結構比較細，所以可以對應到波長比較長嘅可見光譜。 至於金裝光の喵砂，更加進化到應用石墨相氮化碳（g-C₃N₄）， 效果係幾何級數咁增加。 Well，可惜成本都係幾何級數， 所以無可奈何之下，都將部份增加嘅成本轉嫁到消費者。呢個真係冇賺多咗。 有興趣嘅，可以參考一下 Highly active TiO2/g-C3N4/G photocatalyst with extended spectral response towards selective reduction of nitrobenzene. Applied Catalysis B: Environmental Volume 203, April 2017, Pages 1-8

絕對可以，如果咁都塞，你打電話過嚟我親身過嚟同你通。

多謝師兄。 你可以經過四個渠道購買我哋嘅產品， 實體寵物店同埋佢哋嘅網站 網上購物平台 網上代言人 直接向我哋購買

Errrr，咁又唔係。 到目前為止，我哋最頭痛嘅都係物流嘅安排，由於送貨位置分布全港18區，上到飛鵝山，落到屯門同大澳，我哋送貨真係好困難，貓砂又重又大件， 物流收費大家都知有幾貴。淘寶集運都收$6一公斤， 我哋一箱差唔多16公斤，運費已經百幾蚊，條數真係圍唔到。 咁我哋又唔會玩抬高個價再搞大減價呢類嘅「秘技」，標價真係明碼實價。反而分銷商佢哋因為大量採購，一板板貓砂用5.5 噸貨車送貨，物流成本壓縮咗，先至可以平返啲。 不過呢，如果你搵唔到其他渠道，我哋就擔當個安全網，貫徹我哋嘅宗旨，希望全港嘅貓仔主人都可以用到質優嘅貓砂。

產品質量出現生產性問題，例如發霉、受潮、粉碎等等，請係購買後14日內直接WhatsApp/Email我哋，我哋會安排免費換貨。 但如果唔係生產問題，而純粹唔想要。其實除咗作為貓砂用途，你仲可以將佢用嚟做 紙鎮、枕頭，係時候發揮下自己嘅想像力。

可以智能櫃、自提點、順豐速遞或者我哋送貨團隊。當然都可以行街經過，上嚟我哋嘅旺角門市自取啦。

送貨費用係直接根據智能櫃、自提點、順豐速遞等物流公司收取的物流費。如果單一購物單超過$500，我哋就會安排我哋嘅物流隊送貨，不過要夾。

依家乜都搞到上網㗎喇。 我哋將會有一批網上嘅代言人，會喺佢哋嘅朋友圈同網上推廣我哋嘅產品。經佢哋買有乜好處呢，就係可以得到比較貼身嘅售後服務。佢哋會提供物流交收安排，部份仲會提供銷售優惠添。 你都可以成為我哋嘅網上代言人㗎，全港十八區得90個代言人，如果你有興趣又有能力，就直接聯絡我哋啦。 分分鐘啲貓砂唔使錢之餘，每月仲有可觀嘅收入。

部份網上分銷商不定時提供折扣優惠， 麻煩你直接聯絡佢哋。