工廠日常(ฅ´ᴥ`ฅ) 無塵豆腐貓砂係點整?

有養開貓嘅人應該都會知道貓砂不嬲都好鬼大塵，平時一開包砂個陣啲粉就會天女散花咁「飛」哂出嚟，方圓十里即刻會變成撒哈拉沙漠。除左會成面粉之外，如果剛剛先掃完地拖完地，你都唔好話真係會想喊三聲。

既然都知道會咁大塵，點解唔可以整啲無塵版本?老實講貓砂唔多唔少都會有少少粉塵，但重點喺，點樣可以減到最低。我哋嘅豆腐砂用左多重除塵技術，而家就同大家簡單介紹下我地其中一種方法。

呢部綠色機就係我哋重要嘅成員一震動篩，全靠佢先可以分開到大大小小貓砂，將啲粉震走埋。

利用摩打嘅高速旋轉令震動篩震動，每分鐘震動更超過500次。成部機有三個出口位，震緊個陣唔合格嘅砂會經由其餘兩個出口流走，最後就會留低我哋粒粒飽滿嘅獅子荳砂。當然除粉塵只係其中一個步驟，之後仲有唔同嘅步驟等緊我地。

(合格嘅豆腐砂一粒粒咁瀡出嚟)

真係唔係講笑，啲豆腐砂十足比賽冠軍咁衝出嚟，一睇就知佢係有幾想投入大家屋企嘅貓砂盤。認真，大家俾個機會佢為你服務，成為你同貓咪嘅「好伙伴」。