豆腐砂係乜嘢嚟

豆腐砂顧名思義係由豆腐渣（bean dregs）製成，是一種用天然物料所製造嘅貓砂。而吸水嘅原理就同廁紙吸水一樣，都係利用植物嘅纖維（cellulose）去將水分子鎖住。製造貓砂係需要使用經過處理嘅豆腐渣是一種完全乾晒嘅植物纖維沙，而唔係揸完豆漿直接使用嘅脫水黃豆渣。如果你根據網上嘅DIY舊短片，用咗脫水黃豆渣做豆腐貓砂，保證你嘅豆腐砂會有臭酸味同埋兩日之內發霉。

---

可以沖落廁所嘅豆腐貓砂

响唔同類型嘅貓砂之中，豆腐貓砂算係最好，日常應用基本上冇乜嘢缺點。喺垃圾徵費大前提下，可以直接沖落廁所嘅貓砂絕對係不二之選，但其實唔係隻隻貓砂都係「可以沖馬桶」。Well，嚴格嚟講，隻隻貓砂都可以沖落廁所， 不過之後塞咋嘛。

「可以沖落廁所」 嘅豆腐貓砂必須要使用粉狀嘅豆腐渣。因為當獅子寵工豆腐貓砂俾水浸住之後，佢就會由粉團狀分解成為懸浮液，咁先至唔會塞廁所。部份廠商貪平使用未經打碎嘅豆腐渣又或者混合回收廢紙所造成嘅貓砂，睇落好似冇問題，沖落廁所又唔見塞，但係用多幾次就知賴嘢。好似你丟一張抹手紙落馬桶，唔見有問題，丟多幾張保證就算屋企個廁所唔塞，低層住戶一定多得你唔少。如果你住村屋嘅話，可以搵定電話call人嚟清化糞池都得喇。

完全烘乾嘅豆腐渣， 係豆腐貓砂嘅主要原料